April 20, 2024, Saturday
२०८१ बैशाख ८, शनिबार

यो जिन्दगी

त्रिलोक यादव
प्रसादी एकेडेमी
कक्षा : ११
 
जति पढे पनि जति बुझे पनि
यो जिन्दगी बुझ्‍न सकिनँ
जिन्दगीले कहाँबाट कहाँ पुर्‍यायो
तर, सफलता कहिल्यै चुम्‍न सकिनँ ।
 
जिन्दगीले कहिले हँसायो
धेरैजसो त धरधरी रुवायो
कहिले मित्र अनि कहिले शत्रु बनायो
चोट लाग्यो मुटुमा, आँसु आँखाले बहायो ।
 
कहिले दुःखले रुवायो
आफन्तले पीडा भोग्यो
मुटु जति बलियो भए पनि
जिन्दगीले थरथरी हल्लायो ।
 
भोलिदेखि खुसी आउला भन्छु
तर फेरि आपत् आइदिन्छ
जिन्दगी बनाउने पनि सायद
पिडैपीडा जिन्दगी सजाइदिन्छ ।
 
जिन्दगीलाई थाहा पाउनेहरूले पनि
आजसम्म थाहा पाएनन् होला कि
जिन्दगी खेलैखेल जस्तो भएछ
जिन्दगी सायद झेलैझेल भएछ ।