June 19, 2024, Wednesday
२०८१ असार ६, बुधबार

गजल

अनजानमै यथार्थ झल्किन सक्छ
गजलले कसैको मुटु दबिन सक्छ  ।
 
धनी हुँ, सम्पन्न हुँ भनाउँदाहरूलाई
कलम धोकेवाज ठहरिन सक्छ ।
 
अहङ्कारको भुमरीमा रमाउनेहरू !
तिम्रै दाँतले जिब्रो थिचिदिन सक्छ  ।
 
सीमातीत ऐश्वर्यको तुजुक हुनेहरूहो !
तिम्रै जमिन पहिरोमा बगिन  सक्छ  ।
 
अरूकै बिजुलीमा चम्कनेहरूलाई
पासोकै परेवाले जिस्क्याइदिन सक्छ ।
 
दुई चार दिनको रमझमको शिखर
धरहराझैँ गर्लम्म ढलिदिन सक्छ ।