तिज गीत

ढिकी जाँतो मेलापात गर्छिन् हाम्री आमा‌ले
तिजको दर खान माइत लान्छिन् मामाले
फेसन‌को होड‌बाजीमा नाङ्‌‌गो हुनु छैन है
साडी चोलो छोडी तिजमा नाच्नु हुन्न है ।

दुःख पीडा गीतमा भरी गाऊँ लरिलै
यसपालीको तिजमा पनि नाचौँ बरिलै
आमा रुन्छिन् सोकमा परी बुबा उसै गर्छन् है
साउनको भेलमा परी सबका आँसु झर्छन् है ।

बाढी पहिरो रोकिएन यो तिजमा पनि
जन धनको क्षति धेरै रुवाबासी अनि
तडकभडक हटाउँदै गीत गाउँ बरिलै
यसपालिको तिजमा पनि नाचौँ बरिलै ।

गरिबका झुपडीमा चुलो बल्न छोड्यो है
विलासी त्यो छिमेकीले संस्कार तोड्‌यो है
फेसनको दलदलमा फस्नु हुन्न हामीले
मोजमस्ती र फजुल खर्च गरुन् जालीले । 

आमा, दिदी, बहिनीको गीत गाऊँ लरिलै
यस‌पालिको तिजमा पनि नाचौँ बरिलै
दुःख पीडा भुली सबले गाऊँ अब लरीलै
दाम्पत्यलाई फुलाउँदै हाँसौँ बरिलै ।