नेपाल प्रहरी

जनता सेवा गर्ने वचन लिएको हुन्छ
यो देश,यो माटाेलाई सधैँ माया गर्छ
देशको सेवामा जिउ ज्यान लगाएको छ
इमानदारिताका साथ आफ्नो काम गर्छ ।

भिर पाखा नभनी आफ्नो डिउटीमा खटिन्छ
नेपाल प्रहरी यहाँ सबैका मनमा बसेको छ
आफ्ना बारेमा नसोची देशका बारेमा सोचेको हुन्छ
कसैलाई भेदभाव गर्दैन सबैलाई कदम कदममा साथ दिन्छ ।

यो देश र यहाँको माटाेसँग गहिरो सम्बन्ध राख्छ
सधैँ सधैँ जनताको साथमा रहन्छ
हर समय, हर पल देशको सेवामा खटिन्छ
यो देशको माटाे जोगाउने ठुलो सपना छ ।

चौबिसै घण्टा देशको सेवामा खटिन्छ नेपाल प्रहरी
उकाली ओराली नभनेर कर्तव्यमा खटिन्छ प्रहरी
हातमा राइफल बोकेर बसेको छ
हरबस्ती टाेल टाेलमा पुगेको हुन्छ ।

आपत् विपत्‌मा सधैँ जनताको साथमा हुन्छ
देशको रक्षक भएर सिमामा उभिन्छ
राष्ट्रको सेवा गर्ने रहर मनबाट लिएको हुन्छ
नेपाल प्रहरी सबैको मन मस्तिष्कमा बसेको छ ।