राजेन्द्र सुवेदी साहित्य र कला पुरस्कार समर्पण-२०८१
राजेन्द्र सुवेदीको बयासीऔं जन्मजयन्तीका अवसरमा पुरस्कार समर्पण कार्यक्रम सम्पन्न गरियो । राजेन्द्र सुवेदी स्मृति समाजद्वारा आयोजित उक्त समारोह समाजका अध्यक्ष जिवेन्ददेव गिरीको अध्यतामा सम्पन्न भयो । प्रमुख अतिथि पूर्व प्रधानमन्त्री तथा नेकपा एकीकृत समाजवादीका सम्मानित नेता झलनाथ खनालले कार्यक्रमको उद्घाटन गर्नुभएको थियो । उक्त कार्यक्रममा उपस्थित महानुभावहरूलाई समाजकी सदस्य डा. सीता सुवेदी पन्थीले स्वागत गर्नुभयो ।
उक्त समारोहले प्रथम पटक राजेन्द्र सुवेदी साहित्य पुरस्कार प्रा.डा. दयाराम श्रेष्ठलाई र राजेन्द्र सुवेदी कला पुरस्कार नृत्यविद् भैरव बहादुर थापालाई समर्पण गर्यो ।
सोही अवसरमा प्रमुख अतिथिद्वारा समाजका आजीवन सदस्यहरूलाई प्रमाण पत्रसमेत वितरण गरियो ।
मन्तव्यका क्रममा वक्ताहरूद्वारा स्व. राजेन्द्र सुवेदीप्रति श्रद्धासुमन अर्पण गर्दै उहाँका बाँकी कार्यहरू पूरा गराउने प्रतिवद्धता प्रकट गरियो । त्यसै क्रममा राजेन्द्र सुवेदी स्मृति समाजको उत्तरोत्तर प्रगतिको कामनासमेत व्यक्त गरियो ।
अन्त्यमा सभापतिद्वारा उपस्थित सबैलाई धन्यवाद दिँदै सङ्क्षिप्त मन्तव्य सहित समारोह समापन गरियो ।
प्रतिकृया दिनुहोस्