July 20, 2024, Saturday
२०८१ श्रावण ६, आईतवार

माया छरौँ

आज मैले यो के देखेँ
पशुमाथिको हत्या
मानिसको रजाइँ यहाँ
यस्तो भयो ममता ।

यो कुरा कसैले भने
पागल बनाउँछन् सबै
जिउँदा भए पनि यहाँ
माटोमै गल्छन् सबै ।

माटो के हो कसैले
चिन्न चाहेन यहाँ
माटो मानिस हो अनि
मानिस माटो बने यहाँ ।

माटोका जुम्रा मानिस
बनेका छन् यहाँ
बोटबिरुवा कपाल
नदी नशा जस्तै यहाँ ।

पानी बग्छ रगत बनी
आँधीको सास फेर्न
पृथ्वी बने धर्ती
यस्तो भयो हेर्न ।

अन्तत सबै
मर्ने नै हो माटोमा
त्यसले माया छरौँ
हिँसाको साटोमा ।