कुन शब्दले सम्बोधन…
कुन शब्दले सम्बोधन गरूँ मैले
तिम्रा बारेमा कसरी बयान गरूँ मैले
यी सुन्दर हरियाली फाँटहरूमा हेरेँ
मेरा मनकी मायालुलाई धेरै कुरा सोधेँ ।
सुन्दर यो फूल फुलेको बगैँचामा
शान्त अनि शीतल यो मौसममा
बहकिने मन कतातिर गएछ
यो मनलाई सम्हाल्न गाह्रो भएछ ।
आफैँ बेहोस भए झैँ लाग्छ
अटुट सम्बन्ध हो रहिरहन्छ
यी सुन्दर हरियाली फाँटहरूमा हेरेँ
मेरा मनकी मायालुलाई धेरै कुरा सोधेँ ।
यी नजरले पनि हेरिरहेको छ
बोल्ने शब्दहरूले तिमीलाई घेरेको छ
नयनमा बसेको यो मायालु मन
डुबेँ डुबेँ म मायामा झन् झन् ।
लेखकको सम्वन्धमा