गजल

किन आउँछ कोही जिन्दगीमा जो नचाहिएको हुन्छ 
किन आउँछ कसैको याद जसलाई नपाइएको हुन्छ ।

यो मनुष्यको बानी यस्तै हो कि प्रकृतिको नियम यस्तै 
नभएकालाई सम्झी, हुनेको बेवास्ता गरिएको हुन्छ ।

कुनै समय जाने मान्छे पनि निकै खास थियो मनको
जसको यादले जीवित हुँदा पनि मन जलाइएको हुन्छ ।

म दोधारमा हुँदा उसले सही बाटो र समय बुझायो
अनि त उसकै लागि मन्दिरमा फूल चढाइएको हुन्छ ।

 उसले मलाई धोका मात्र होइन धेरै ज्ञान, ध्यान दियो
 त्यसैले त छाडेपछि नि घृणा होइन सम्मान भरिएको हुन्छ ।