आमा

जीवनको पूर्ण किताबको उनी सुखको पानामा
जीवन दियौ, संसार दियौ पुँज्दछु हे आमा
संसारले साथ छाडेर गए आमा छिन् साथमा
घट्दैन कैले आमाको माया दिन र रातमा ।

किताब खुला झैँ मेरी आमा ज्ञानकी हुन् खानी
पिरले कैले निदरी भाग्दा बन्दछिन् सिरानी
विश्वमा खोजी पाइन्न अर्को आमा झैँ मायालु
पढ्लेख छैन तर नि सबै काममा सिपालु ।

आमाकै लेखे कविता काव्य लेखेछन् त्यो कथा
तर नि बुझ्‍न सकेनन् कत्ति आमाको त्यो व्यथा
नौ मैना कोखमा राखेर उनले टेकाइन् भूमिमा
हे दैव उनकै बनूँ म छोरी प्रत्येक जुनीमा ।

नखाई आफू सन्तानकै पेट आमा त भर्दछिन्
सन्तानलाई के होला भनी चिन्ता है गर्दछिन्
पहाड सरी अटल आमा शीलत त्यो छाया
कसरी भूल्न सक्दछ लोक आमाको त्यो माया ।