यौनजीवन

दबाएर मनोभाव हत्या हिंसा भइरहे
बदनाम भइन्छ कि कतै मौन रहिरहे
नियन्त्रित भए मात्र चल्दैन यौन जीवन
बिनाखुसी धकेलेर जकेडिन्छ अरू झन् ।

संस्कार यो कमै बुझ्ने नारीको मनभावना
प्रचार नै बढी हुन्छ समाजमा दुर्भावना
फाटो हुन्छ नमिलेमा माग पूरा शरीरको
बिस्फोट भो कतैभित्र एक पक्ष मरी रह्यो ।

कदर छैन पतिपत्नी संवादको अभावले
ध्यान ख्याल कमै हुन्छ गोप्यता मनभावले
आवश्यक अवश्य छ भौतिक धनका कुरा
यिनै मात्र हुँदैनन् है माग शरीरका पूरा ।

सम्बन्ध नबुझे हुन्छ एकपक्ष रुचि खुसी
राम्रो हुन्छ निभाएमा यौन साथी छनक बुझी
बुझ लौ यौन सम्बन्ध दुवैको अधिकार हो
यौन सुख परस्पर प्रत्येकको कर्तव्य हो । 

जीवनरथ अघि बढ्छ दुई व्यक्ति मिलापमा
समय त पछि मिल्छ किन जानु खिलापमा
एकअर्का मिले मात्र सम्बन्ध हो व्यवस्थित
समझदारी बने मात्र हुने छ यो मर्यादित ।