April 20, 2024, Saturday
२०८१ बैशाख ८, शनिबार

अम्विका अधिकारीका केही शाब्दिक कविता

एक
असल स्त्रीको अपमान
शान्ति भयो भङ्ग
भन्छन् आफूलाई महापुरुष ।

दुई
अपच खाना
लोभको मोह
जानुछ छोडेर ।

 तीन
विद्वान्‌का हृदयले
बुढालाई तरुनी
भयो बिसतुल्य ।

चार
कमाउन कठिन
भोको पेट
घामको आनन्द ।

पाँच
दुइदिनको माया
मरेर लानु के
परेपछि नदायाँबाँया ।


लेनदेनका मतियार
लुट्न उठाए हतियार
राजनीतिमा भ्रष्टाचार ।

सात 
झुटो स्विकारेर बसे
थाह नपाई फसे
अन्योलमा खोरभित्र पसे ।

आठ
कहाँ हलो अड्क्यो
हान्ने गोरु फडक्यो
कराईमा खुर्सानी पड्क्यो ।

नौ 
दाइजोमा बुहारी कुटिन्छ
दिनडहाडै अस्मिता लुटिन्छ
राजनीतिले निर्दोष भुटिन्छ । 

दश
माया बैगुनी
नभई नहुनी
डरले नरुनी ।

एघार
खुल्ला आकाश
कोही रक्षक
हुन्छन् राक्षस ।

बाह्र
सुस्तरी आयो
आँधीले बगायो
पैरोले सिध्यायो ।

तेह्र
बितेका कुरा
चलाउछन् छुरा
अहिलेका भुरा ।

चौध
प्रेमले बिगार्यो
समयले स्विकार्यो
अतीतले तिखार्यो ।

पन्ध्र
सूर्यमुखी फूल
नगर भुल
ड्याङ्गोलाई झुल ।

सोह्र
अथक प्रयास
पाएनन् जस
आर्थिक सङ्कट ।

सत्र
सफा मनले
घमन्ड धनले
लाँदैन जनले ।

अठार
मुस्कानको चाल हेर
चस्माको कमाल हेर
सपक्क कपाल हेर
शाब्दिक लेखवाल हेर।

उन्नाइस
काँडाका बिचमा फूल
नगर है भुल
छन् सबै सोकाकुल ।

बिस

भेटिए नाग
आँखाको विरामी
हरियो साग ।

एक्काइस
नागको पूजा
मन्दिरमा लस्कर
सुन तस्कर ।