मेरो हिँड्ने बाटो तिमीले…

मेरो हिँड्ने बाटो तिमीले पछ्यायौ
मलाई दिलमा राख्‍न बाध्य बनायौ
रातको सपनामा पनि देखियौ
आज के भन्न यहाँसम्म आयौ ?

पहिलो भेटमा आँखामा बसेकी थियौ
कति छिटो दिलमा आएर बस्यौ
सकिँदैन तिमीबिना एक पल बाँच्‍न
जीवनलाई केही गरेर खोजेकी छौ कि बदल्न ?

रमाएको छु म तिमीसँग
आँखा खोली हेर्दा हुन्छु तिमीसँग
यो मेरो मनसँग गहिरो नाता जोड्यौ
मसँग गफ गर्न मलाई बोलायौ । 

मनभरि माया बोकी आयौ
त्यो मनले यो मनसँग नाता जोड्यौ ।