नयाँ वर्षको शुभकामना !

सम्पदा नेपाल
कक्षाः ७
जनप्रेमी स्कुल, कौशलटारः ३, भक्तपुर

सफलताले आकाश चुमोस् पाइला अघि बढुन्
अशान्तिका काला बादल समाजबाट हटुन् ।
नेपालीका चाहनाले पूरा गरुन् आज
अन्यायलाई दमन गरी अघि बढोस् समाज ।
गासबास जोहो गर्न विदेश नजाऔँ हामी
आफ्नै देशमा पौरख गरी बाँच्न सिकौँ हामी ।
सिर्जनाका नयाँ पाइला अघि बढुन् हाम्रा
बाँझो खेतमा श्रम गर्ने मन जागुन् हाम्रा ।
नयाँ वर्ष असी सालले ल्याओस् खुसी देशमा
नयाँ वर्ष अब आओस् समृद्धिको भेषमा ।
नेपालीका पूरा होउन् अब मनोकामना
नयाँ वर्ष असी सालको हार्दिक शुभकामना !