आमा

श्रीया खत्री
श्री मनोहरा आधारभूत विद्यालय

नौ नौ महिना कोखमा राख्यौ आमा
तिमीलाई कति गाह्रो भयो होला
जन्मायौ तिमीले कठिनाइ सहेर आमा
कति धेरै पीडा भयो होला ।

दश धारा दुध चुसायौ आमा
आफूलाई खाना थिएन होला
शिशुलाई मात्र स्याहार दियौ
आमा तिमीलाई स्याहार थिएन होला ।

भुलायौ तिमीले भुलुङ्गामा आमा
तिमीलाई सुत्न विस्तारा थिएन होला
कोखाई कोखाई गरी लिटो खुवायौ आमा
तिमीलाई कति भोक लागेको थियो होला ।

शिशुलाई तातो तेल लगाइदियौ आमा
तिमीले लगाउने तातो वस्त्र थिएन होला
स्याहार गरी शिशुको शरीर दह्रो बनायौ
आमा तिम्रो शरीर कति कमजोर भयो होला ।

हुर्कउन तिमीले धेरै मेलापात गर्‍यौ आमा
तिमी कति बिरामी भयौ होला
शिशुलाई निरोगी राख्यौ आमा
आफू कति रोगी भयौ होला ।

विद्यालय पठायौ तिमीले कति काम गरी आमा
सानामा तिमीले पढ्न पाइनौ होला
नयाँ खेलौना र नाना किनिदियौ आमा
तिमीले सानामा फाटेका कपडा लायौ होला ।

हामीलाई लक्ष्यमा टेकायौ आमा
आफ्नो भविष्य हेरिनौ यहाँ
ठुला हुन्छन् शिशु पनि आमा
तिमी पाल्छन् कि भन्ने आशामा बस्छ्यौ यहाँ ।