तनाव हटाऔँ !

सुनिता स्याङतान
कक्षा : ११
एभरेस्ट कलेज, थापाथली, काठमाडौँ

हो, जीवनमा तनाव हुन्छन् धेरै 
तर, ठुलो तनाव हो झैँ लाग्छ मेरै 
तनाव हुदैन एकै प्रकारका 
परिवेशअनुसार तनाव प्रकार प्रकारका
गाउँबाट दु:खपीडा बोकी सहर धाउछन् कति 
दु:खपीडा भुली रमाउछन कति 
साँच्चै दुःख नभएको होला के कुनै सहर !
तनावले खाइदेला कति रहर ! 

जीवनशैली परिवर्तन गरी 
नियन्त्रण गरौँ तनावलाई 
कारण पहिचान गरी 
सामना गरौं तनावलाई 
कति दिन सकिएला बस्‍न 
तनावमै डुबेर
आखिर जाला है जिन्दगी यसै खेर ।

योग गरौँ, ध्यान गरौँ
सधैँभरि व्यायम गरौँ
थालौँ सरल जीवन बिताउन 
तनावमुक्त भई जिउन
हाँसी हाँसी तनावलाई हटाउनुपर्छ
साथीभाइ आफन्तसँग कुरा गर्नुपर्छ ।