April 13, 2024, Saturday
२०८१ बैशाख १, शनिबार

नेता सुधार मति

देशका खातिरमा सहिद बनिगए सज्जन अगाडि यहाँ
हेर्दाहुन् तिनले कस्तो भयाे भनी बसेर त्याे स्वर्गमा
बिग्रिदै गयाे है झन् झन् यहाँ हाम्रो याे देशको गति
सहिदकाे आँसुले पिराेल्छ तिमीलाई नेता सुधार मति ।।
 
छुट्यायौ तिमीले काेटा दिने भनी उस्तै नागरिक थिए 
बुझेनन् नि तिनले हेलित गरेकाे पाइयो है भन्दै लिए 
बाहना बनायौ आफैँले कमायौ जाेरजम्मा गर्यौ कति,
सहिदकाे आँसुले पिराेल्छ तिमीलाई नेता सुधार मति।।
 
लडाइँ मात्र गरेर बस्ने कति हाे त्याे कुर्सीमा के छ र ?
याेग्यै व्यक्ति बस पाँचदेखि दस नै विकास राम्रो गर
गाडी नै त किन्यौ बङ्गाला बनायौ जाेरजम्म गर्यौ कति ?
सहिदकाे आँसुले पिराेल्छ तिमीलाई नेता सुधार मति।।
 
कृषिमा ध्यान देऊ वर्गलाई हेरिलेऊ स्तर छ कस्ताे भनी
ध्यान राखेर गरे सबैतिर गई जाँचेस् त्याे बुद्धि पनि
विदेशतिर गए न फर्किने नागरिक विज्ञैले जति
सहिदकाे आँसुले पिराेल्छ तिमीलाई नेता सुधार मति।।
 
प्राकृतिक रूपले धनी छ हाम्रो देश नेपाल छ सुन्दर
यी आमा रुँदै छिन् अति भयाे भनी विचार राम्रो गर
सहिदकाे पनि त यहाँ दृष्टि परदा मन पाेल्दाे हाे भतभती
सहिदकाे आँसुले पिराेल्छ तिमीलाई नेता सुधार मति।।
 
दुखैले गरी आर्जेकाे धन याे हाे पुर्खाहरुले अघि
छातीमा वाँण हान्दछौ किन याहाँ दुखी यी जनता ठगी 
धृतराष्टसरी भयौ नि अहिले पछि हाेला के गति ?
सहिदकाे आँसुले पिराेल्छ तिमीलाई नेता सुधार मति।।
 
यही वृत्ति गरने नेतामा परने म म भनेस् मञ्‍चन
मूल्याङ्कन गरी बक्सनुहवास् भए काेही सज्जन 
लेखेँ है मैले देखेर अहिले हाम्रो याे देशकाे गति
सहिदकाे आँसुले पिराेल्छ तिमीलाई नेता सुधार मति।।