December 5, 2023, Tuesday
२०८० मंसिर २०, बुधबार

आमाको महिमा

निरुता रावत
कक्षा : सात
श्री मनोहरा आ.वि.

आमा ! तिम्रो कोखबाट हुन्छ, जन्मदिनको सुरु
मेरो जिन्दगीमा पहिलो शिक्षा दिने तिमी नै हौ गुरु 
जिन्दगी सुरु हुन्छ तिम्रै गाँस गाँसमा 
मैले फेर्ने श्वासमा पनि श्वास छ तिम्रै श्वास श्वासमा ।

आफू खुसी भई हामीलाई, खेलोउँछ्यौ 
ताते ताते भन्दै हामीलाई बोलाउँछ्यौ 
तिम्रो मनभरि हुन्छ, दुःखैदु: ख 
आफूले  परिश्रम गरेर दिन्छ्यौ हामीलाई सुखैसुख ।

तिमीले दिने माया छैन त्यति सस्तो 
तिमी साथमा नहुँदा लाग्छ कस्तो कस्तो 
हाम्रो जीन्दगी हुन्छ तिम्रै हातमा 
सधैँभरि छौँ जस्तो लाग्छ तिम्रै साथमा ।

असङ्ख्य तिमीले दिने माया
तिम्रो गुणको अवगुण गर्न सकिँदैन
घरि घरि आउँछ तिम्रै याद 
जीवनभर दिन्छ्‌यौ तिमीले नै साथ ।