March 28, 2024, Thursday
२०८० चैत्र १५, बिहीबार

समयको महत्त्व

सम्पदा नेपाल
कक्षाः ७
आदर्श जनप्रेमी स्कुल

समय एउटा पन्छी हो उड्ने यसको काम
समयलाई नबुझदा हुन्छ हाम्रो बदनाम ।

समयमै आफ्नो काम गरी अघि बढ्नुपर्छ
समयको गतिलाई अब हाम्ले बुझ्नुपर्छ ।

समयको गतिलाई रोक्न हुन्छौँ असफल
समयमै आफ्नो काम गरी हुन्छौँ सफल ।

सङ्घारमा सुनको बिहान जाँगरले उम्रने छ
समयमै अघि बढे भाग्यको द्वार खुल्ने छ ।

नजिस्क्याऔँ समयलाई अघि बढ्नुपर्छ
अघि बढ्न नसकेमा हाम्ले रुनुपर्छ ।

आकाशलाई छुन हाम्ले बढ्नुपर्छ अघि
समयको महत्त्व बुझी बढ्नुपर्छ अघि ।

समयमै काम गरी अघि बढौँ साथी
अनि मात्र हुन्छौँ हामी आकाशभन्दा माथि ।