April 13, 2024, Saturday
२०८१ बैशाख १, शनिबार

हाम्रो गोलबजार

त्रिलोक यादव
प्रसादी एकेडेमी, 
कक्षा : १२

हाम्रो मायाको बजार 
गोलबजार 
अरूले सोधलान्  
के हो गोलबजार ?
म भनुँला- 
मेरो मुटु हो गोलबजार 
आमालाई गर्ने मायाझैँ हो गोलबजार ।
 
शरीरभरिको छाया
र मुटुभरि सजाएर राखिएको गोलबजारको माया 
म कसरी वयान गरूँ !
आफूभन्दा बढी माया 
गोलबजारकै लाग्छ 
शरीर जहाँ भए पनि 
जीवनभरि
मन त्यहीँ बस्छ ।
 
सास फेर्दा 
याद आउँछ- 
गोलबजारको सफा हावा 
केही गर्दा गोलबजाकै लागि गरूँ गरूँ लाग्छ
गोलबजारकै हाँसोसँग 
मैले मेरो हाँसो साटिसकेँ ।
 
मैले सोच्‍ने गरेको थाहा भएन 
तर,जतिबेला सोच्छु 
गोलबजारकै बारेमा सोच्छु ।
 
नसताऊ आफू बस्ने ठाउँलाई 
बरु, सक्छौ भने बनाऊ । 
 
हाम्रो गोलबजार 
प्यारो गोलबजार
राम्रो गोलबजार ।