May 20, 2024, Monday
२०८१ जेष्ठ ८, मंगलवार

जात

मानव जातिले फैलाएकाे
जातीय दुर्गन्ध,
व्यक्ति घर परिवार हुँदै फैलियाे समाज
रङ, काम र नामकाे पछाडि जाेडिएकाे थरले 
धेरैकाे मनमा भरेकाे छ डर 
मलाई याे समाजले सिकाएकाे पाठ 
फैलिएकाे याे जातीय प्रचारकाे दुर्गन्धले सताएकाे छ 
कतै हैजा जसरी महामारीको रूप त लिने हाेइन ? 
सिप चल्छ, ज्ञान चल्छ सबै चल्छ
याे समाजमा ऊ व्यक्ति कसरी अछुत हुन्छ ? 
हे मानव एउटा प्रश्न छ 
सबै कुरा छाेडेर अन्तरमनबाट हेर्दा के देख्छस् ? 
मानव भन्दाे हाे मेराे ठुलाे जात ,राम्रो धर्म, विद्वान् छु 
सबै कुरा छ मसँग ।
प्रश्न थप्न चाहान्छु म अनि मानवता ? 
बिउँझदाे हाे ऊ घमन्डकाे स्वर्णिम सपनाबाट ।
सत्य, असल इमान्दारिताकाे उपज खाेजिरहेछ 
समाज, देश सबैले 
बाैद्ध मान्नेले, ईश्वर र जिजस मान्नेले,
बाैद्धलाई कसरी घृणा गर्न सक्छ? 
जात धर्म आदिकाे टेकाे लगाएर 
मानवताकाे खिल्ली उडाउँदै जानेहरूलाई 
इमानदारिताकाे पाठ पढाइदेऊ ।