April 13, 2024, Saturday
२०८१ बैशाख १, शनिबार

म सानो छु

लियोन भट्टराई
 
म सानो छु, जान्दिनँ केही
सिकिरहेछु सिक्नुपर्ने केही
सिकाउने आमाबुबा अनि गुरु
त्यहीँबाट हुन्छ, नयाँ कुरा सुरु ।
 
त्यही नै ज्ञान हो कि भन्छु
हातका औँला खुरु खुरु गन्छु
न सुरु हुन्छ, न हुन्छ अन्त्य
मनमनै गुन्छु
म सानो छु
र त त्यसो भन्छु ।
 
गणितले माग्छ के ?
म दिन्छु के ?
न सकेँ मैले नेपाली भाषा नै चिन्न
न सकेँ मैले विज्ञानको ज्ञान लिन
ज्ञानको भण्डार खोल्छु भन्छु
म सानो छु जब ठुलो हुन्छु
मनमनै भन्छु जब ठुलो हुन्छु ।
 
केही त जानेँ होला, मनमा सोचिरहन्छु
मनलाई बाँध्‍न सक्दिनँ
सानो छु अहिले; धेरै अपेक्षा राख्दिनँ
ठुलो भएसि मलाई सबै आउँछ, म मनमनै सोच्छु
अहिले म सानालाई केही आउँदैन
त्यसैले गुरुलाई सोध्छु ।