रित्तो कोठा कस्को ?
कस्तो मिठो
तिलस्मी
कोकिलकण्ठ
मधुर आवाज !
यहीं भित्रबाट आइरहेछ
निरन्तर
अविछिन्न
अहम् कहीं कतै
नअलमल्लीकन
एकै सुरमा
एकै लयमा तालबद्ध भएर
घन्किरहेछ
मादलुको ताल झैं
मायालुको चाल झैं
लचक लचक लच्किरहेछ
थाकेर एकैछिन आराम गरूँ भन्दैन
भो भो केही छिन त बस्छु नि भन्दैन
चुपचाप चलिरहन्छ
निरन्तर निरन्तर
भोक, तिर्खा, निद्रा केही नभनी
कती भो यात्राको दूरी नगनी
एकनास गतिशील भएर
ऊ चलिरहन्छ
निरन्तर निरन्तर
हो त्यही गतिवान,
कोमल हृदयको
चार कोठामध्ये
एक तिम्रो
एक मेरो
एक हाम्रो मायाको
अनि अर्को एक रित्तो
त्यो रित्तो भर्ने केले ?
त्यो त रगतले भरिजान्छ नि
होइन
रगत त
नशा–नशा भौतारिइरहन्छ नि
अनि भन न त
त्यो रित्तो कोठा कस्को ?
प्रतिकृया दिनुहोस्
शीर्ष समाचार
- रामपुरमा वातावरण सम्बधी प्रस्तुतीकरण तथा वृक्षारोपण कार्यक्रम
- दायित्व वाङ्मय प्रतिष्ठानद्वारा स्रष्टा-साधकहरू सम्मानित
- शिक्षाविद् एवं साहित्यकार लक्ष्मण राजवंशीको स्मृतिमा शारदा मरहट्टा सम्मानित
- यात्रा संस्मरण : खरेलथोक पाँचखालदेखि दुप्चेस्वर महादेव नुवाकोटसम्म
- सामाजिक यथार्थवाददेखि समाजवादी यथार्थवादसम्म : विचार गोष्ठी सम्पन्न
धेरै पढिएको
लेखकको सम्वन्धमा