May 20, 2024, Monday
२०८१ जेष्ठ ८, मंगलवार

परिश्रम

परिश्रम हो हाम्रो अघि बढ्ने पाइलो
परिश्रम नै हाम्रो सामाजिक साङ्लो।
संसारमा कीर्ति राखे कसैले
परिश्रम गरेका थिए उनैले ।।
 
परिश्रम बिनाको फल नहुने
फल नपाएपछि दुःख पाउने उनले ।
मोति झै पसिना परिश्रमिका
विष झै हुने अलछी मानिसका ।।
 
परिश्रमीको हुन्छ छेउछाउ
निको हुने छ दिन दुःखिको घाउ ।
दुःख र सुखको पालो हुँदैन
परिश्रमीको नजिक पर्दैन ।।
 
आँखामा आँसु कहिल्यै नहुनु,
परिश्रम गरी सधैँ अघि बढ्नु ।
परिश्रममै लुकेको छ हाम्रो चाहना
परिश्रममै लुकेको छ हाम्रो जीवन ।।