May 20, 2024, Monday
२०८१ जेष्ठ ८, मंगलवार

मलाई त मोज छ

 
 भन्नेहरू भन्ने गर्छन्-
 'ए, तँलाई त मोज छ ।'
  
 हो, मलाई मोज छ, 
 मसँग सब थोक छ
 पितृसत्तात्मक समाज छ,
 बिरालो बाँधी श्राद्ध गर्ने परम्परा छ
 चारैतिर औँला ठडिएको हात छ ।
 हो, मलाई मोज छ, 
 मसँग सब थोक छ
  
 सम्पन्न हुँदा सहयोग गर्ने साथ छ
 अरूका कुरा काट्ने अपवाद छ
 मानवताको सानो छहारी छ
 घरअगाडि कुराकाट्नेको चौतारी छ ।
 हो, मलाई मोज छ, 
 मसँग सब थोक छ
  
 सम्झाउने, बुझाउनेको खडेरीमा
 बुझी बुझी बुझपचाउनेको भिडमा
 समाजका भाइरसहरूलाई लखेट्ने विचार छ
 हो, मलाई त मोज छ,
 मसँग सब थोक छ ।