प्रकृति

साइस्ता भण्डारी, कक्षा : ९
श्री भगवती मावि,
मिक्लाजुङ ७ मोरङ

उजाड थियो हाम्रो पृथ्वी जहाँ
हरियाली छरिदियौ तिमीले यहाँ
भोक तिर्खा र ओत मेटाउन
सँगै थियौ तिमी हामीलाई साथ दिन ।

प्रकृति ! मानिसलाई तिमीले नै बनायौ
तर मानिस  ! आज  प्रकृतिलाई  तिमीले सतायौ
ठुला रुख काटेर  हामीले घर बनायौं,कारखाना बनायौं
सतायौं प्रकृति हामीले तिमीलाई बिगार्नु बिगाऱ्यौँ ।

विकासका लागि अन्धा हुँदै हामी
प्रकृतिलाई नै मेटाउँदै नजाऔं
प्रकृतिसित छ  हावा अनि पानी
निर्दयी नबनी हामी    पृथ्वी बाचाऔं  ।

अन्धकारमा नबसौँ उज्यालो छर्दै जाऊँ
नयाँ बोट विरुवा रोपी प्रकृतिलाई जगाऊँ
पानीलाई प्रदुषित नगरौं नफालौं फोहोर जताततै
जागौं सबै हामी प्रकृतिलाई नसताऔं |