February 26, 2024, Monday
२०८० फाल्गुन १४, सोमबार

  म 
 मै हराएर 
 मैन
 मपाईंत्वको 
 'म' खोज्दै छु।
 म मानवभित्रको 
 मानवता 
 महान् शून्य खोज्दै छु।
  
 म 
 एक सिउँडी 
 हराभरा मरुभूमि 
 सम्म हिमाल
 उच्च फाँट 
 मृगतृष्णा खोज्दै छु।
  
 म 
 इच्छाका मचान 
 खोतलेर रछ्यान
 पोतेरी सपनामा 
 मूलखाँबो खोज्दै छु।
  
 म 
 सपनासँग सपना 
 सापटी मागेर 
 छायाको गर्मी सेक्दै
 घाटहरू जोत्दै छु।
  
 म 
 आज मैसँग डराएर
 मझेरी सुकाएर 
 बलेसी जाडो सुकाउँदै छु। 
  
 म
 नाङ्गो आङ र भोको पेट
 खर्पन र तोक्मा बिच खुल्ला आकाश 
 बालेर तारा बत्ती 
 फुटेका हत्केला 
 रहर पटुका बेरेर 
 सपना बिस्कुन छर्दै छु।
  
 म 
 मन्दिरबाहिर 
 मनको ईश्वर 
 हराएर देवता
 ईशवरसँगै ईश्वरको वर
 माग्दै छु।