February 28, 2024, Wednesday
२०८० फाल्गुन १७, बिहीबार

दुर्व्यसनी

 दुर्व्यसनको जन्जालबाट टाढा बसौँ साथी
 अकालमै जीवन उड्ला जानुपर्ला माथि ।
 चुरोटबाट सुरु गरी चरेससम्म पुग्ने
 चरेसले नि नपुगेर हरेसले छुने ।
 सुनौलो यो जिन्दगीलाई नसामा फसायौ कि
 स्वर्ग जाने बाटो छाडी नर्कतिर पाइला धसायौ कि ।
 कुलतमा फसेपछि सबै सामान बेच्छौ
 सर्वनाश भएपछि भन के पो बेच्छौ ?
 आमा बुबाको कमाइ पनि कता उड्यो होला 
 उहाँहरुके सपना नि तितो भयो होला ।
 कुसङ्गतले मानिसलाई खरानी नै पार्छ
 बाँच्ने दिन घटाएर मृत्युतिरै झार्छ ।
 अमूल्य जीवनको घाँटी किन निमोठ्छौ 
 के तिमी पैसाले अर्को जुनी किन्न सक्छौ साथी ?
 कुलतको नसाबाट छिटै आँखा खोल
 दुर्वयसन छोड्छु भन्ने अमृत बोली बोल !