April 20, 2024, Saturday
२०८१ बैशाख ८, शनिबार

खोइ कहाँ नारी सुरक्षित छन् ?

 संविधानमा राम्रा बने नियम र कानुन । 
 नारीमाथि अन्याय छ यो सबैले जानुन् ॥
  
 स्कुल कलेज बजार अनि घर वरिपरि ।
  खोइ कहाँ सुरक्षित छौं हामीजस्ता नारी ।।
  
 भ्रूणबाटै नारीहरू असुरक्षित हेर ।
  मन नलागे पतन गर्छन् फालिदिन्छन् खेर।
  
 जन्मेपछि छोरी भनी हेला हिंसा सुरु | 
 सुरक्षित छैनन् नारी अब कसो गरुँ ।।
  
 आफ्नै घर चोटाकोठा सबैतिर हेर । 
 सुरक्षित छैन यहाँ आफ्नै बाराबेरा ||
  
 बाहिर निस्किए छिमेक अनि समाजमा पनि।            
 कोही हुन्न सुरक्षित गरिब होस् या धनी।
  
 स्कुल गए स्कुलमै हत्या बलत्कार । 
 अफिसमा नि हेर्ने नजर राम्रो छैन क्यार।