February 27, 2024, Tuesday
२०८० फाल्गुन १५, मंगलवार

बोल्दै छ पन्छी

 हे मनुष्य तिमी प्रकृतिबिना अपाङ्ग नै बन्न पुग्दछौ 
 प्रकृतिमाथि विजय प्राप्त गर्ने अहङ्कार छोडिदेऊ 
 ती बरपीपललाई एसी र पङ्खाले जित्ने भ्रम तोडिदेऊ 
 मानव सभ्यतासँगै वातावरण संरक्षणलाई जोड देऊ ।
  
 अध्ययन, अनुसन्धान गर्यौ तर चेतना भरेनौ
 हो नियम बनाइए यहाँ तर पालना गरेनौ
 हरिया वन देख्न चाहने यी आँखाहरूमा धुवाको प्रदूषण भर्यौ 
 सर्वोत्कृष्ट प्राणी भन्थ्यौ विकासको नाममा विनास गर्यौ ।
  
 तिमीले जीवन लिदैँ आएका रूखहरूको कमीले तिम्रो जीवन लियो
 अत्यावश्यक तिमी हैन यहाँ बुझ, वातावरण हो
 तिम्रो मात्र हैन पॄथ्वी हामी सबैको घर हो 
 तिमी हाम्रो र हामी तिम्रै त भर हो ।
  
 हरेक वर्ष मनाइरहन्छौ दिवस सदाझैँ अब पॄथ्वी रून नपरोस् 
 कुनै प्राणी यो जगत्‌मा तिम्रा कारण बिचल्लित हुन नपरोस् 
 तिम्रा विज्ञानका किताबमा वातावरणमैत्री शिक्षा पढाइयोस् 
 स्वस्थ्य वायु,स्वस्थ्य जीवन नारालाई अघि बढाइयोस् ।