March 29, 2024, Friday
२०८० चैत्र १६, शुक्रबार

बुद्ध

 जन्म भयो सिद्धार्थको 
 पछि बने बुद्ध
 राजकुमार थिए तिनी
 मन तिनको सुद्ध ।
  
 आमा तिनकी मायादेवी
 बुबा सुद्धोदन 
 बुद्धले त त्यागिदिए
 दरबारको धन ।
  
 सकेनन् है बुद्धले त
 रोक्न आफ्नो मन
 गरिब दुखी देखेपछि
 पोल्थ्यो उनको तन ।
  
 गया गई गरे तिनले
 तपस्या र ध्यान
 ध्यान गरी पाए तिनले
 संसारको ज्ञान ।
  
 नेपालकै माटो टेकी
 जन्मे बुद्ध पनि
 नेपालकै माटो टेकी
 हुर्कँदैछु म नि ।
  
 बुद्ध जन्मे नेपालको
 नाम राख्न भनी
 खोज्दै छु म केही गर्न
 सकुँला कि भनी ।
  
 ज्ञान पाई हिँडे तिनी
 ज्ञान बाँढ्न भनी
 अरू पनि खुसी बनुन्
 भन्ने सोच्थे उनी ।
  
 संसारले भन्छ उनलाई
 एसियाका तारा
 मानवमनमा बसेकाछन्
 बुद्ध दाजै प्यारा ।