February 26, 2024, Monday
२०८० फाल्गुन १४, सोमबार

ए चरी

  ए चरी किन एक्लै उड्छ्यौ !
 मलाई पनि सँगै उडाऊ न ।
  
 मलाई पनि तिमी जसरी नै 
 खुला आकाशमा उड्ने रहर छ ! 
 तिमी जसरी नै आफ्नो बाटो, 
 आफै बनाउँदै हिड्नु छ ! 
  
 बादललाई छुनु छ, 
 बादलभन्दा माथी पुग्नु छ 
 खुला रुपमा आकाशमा उड्नु छ 
 आफ्ना सारा शक्तिहरु उड्नमा पोख्नु छ 
 मलाई पनि आकाशझैँ अनन्तमा पुग्नु छ ! 
  
 त्यसैले मलाई लिन आऊ न, 
 ए चरी कति एक्लै उड्छ्यौ ! 
  
 म पनिसँगै उड्छु नि 
 तिमीसँगै तुफानमा उड्छु नि 
 तिमीसँगै तुफानलाई जित्छु नि 
 तिमीजस्तै धैर्यवान अनि मिहिनेती बन्छु नि ! 
  
 कति पर्खाउँछ्यौ, कति तड्पाउँछ्यौ
 ए चरी, किन निष्ठुरी बन्छ्यौ
 ए चरी, तल आई मलाईसँगै लैजाऊ 
 मलाई पनि आफूसँगै उडाऊ !