May 20, 2024, Monday
२०८१ जेष्ठ ८, मंगलवार

सानो भाइ

सानो मेरो भाइ तिमी, अरूनेश तिम्रो नाम
पढ्ने, लेख्ने, चकचक गर्ने, यही हो तिम्रो काम
घरको रौनक हौ तिमी, चुलबुले छ तिम्रो बानी
रमाउँछौ खुसी भई,  बोलाउँदा मैले भनी सानी ।
 
उमेर छ सानो तिम्रो, गर्छौ राम्रा कुरा तिमी
आहा ! कति मनमोहक, जब मुस्कुराउँछौ तिमी
जूनभन्दा पनि प्यारो तिमी, घामझैँ उज्यालो छौ
बुबाआमाको माया तिमी, मेरा लागि त सबथोक हौ ।
 
सङ्घर्षशील जीवन यो, बाधा छन् पलपलमा
चुनौतीलाई स्वीकार गरी, अघि बढ्ने गर जीवनमा
आज तिमी अबोध बालक भोलि त ठुलो हुने छौ
धेरै पढी ज्ञानी भई मानव सेवामा अघि बढ्ने छौ ।