नारी

आमा, छोरी, भाउजू, दिदी सबैको रूप नारी
जहाँ–तहाँ ‘सानो’ भनी हेला गर्ने भारी
सयौँ पीडा मनभित्र लुकाई हाँस्नुपर्ने
मनका इच्छ मनैभित्र साँची बाँच्नुपर्ने ।
 
कैले बुझ्छ होला समाज देन नारीको यो
यौनहिंसाबाट  कैले  मुक्ति पाइने हो
श्रम – सिप – जाँगरले  भरिपूर्ण  नारी
फेरि पनि खोज्छ समाज दाइजो भारी भारी ?
 
कैले दाइजो, कैले केके निहुँ अनेक छन्
अपमान, हिंसा रोक्ने न्याय खै कहाँ छन् ?
कैले पाउँछन् न्याय नारी, बाँच्न कैले पाउने ?
स्वभिमानी भई नारी कैले हाँस्न पाउने ?