सफलताको बाटो

मानिसका जीवनमा हुन्छन् धेरै कुरा
कर्तव्यको बाटो हिँडौँ हुन्छन् सबै पूरा
एकअर्कालाई साथ दिऊँ जब लाग्छ ठेस
नयाँ सोच नयाँ रित राखे बन्छ देश ।
 
सकेसम्म सेवा गरुँ नसकेमा माया
सुख दुःख साथै हुने हेर घाम छाया
यहाँ सबै नेपाली छौँ पराई कोही छैन 
सफलताको बाटो रोजौँ अन्त जाने हैन ।
 
सङ्घर्षले जीवन बन्छ अघि बढ्नुपर्छ
आफ्नो भाग्य आफ्नो खुसी आफैँ ल्याउनुपर्छ
राम्रो काम गरौँ परी एक–अर्कामा भर
एकता र हिम्मत देखी भाग्छ पीडा पर ।