May 18, 2024, Saturday
२०८१ जेष्ठ ५, शनिबार

सत्ताको मोह

कोरोना बेला
सडकमा उर्ल्यौ
तमासा धेर
जग नै हँसायौ  ।
 
नारा र जुलुस
नगर यो बेला
होइन यो त
भेला हुने बेला।
 
भोक र रोगले
मरेका  हजार
सत्ताको मोह
अपरम् छ पार  ।
 
कोरोना कष्ट
यही बेला उग्र
 तिमी त केवल
सत्तामै व्यग्र  ।
 
बाढी र पहिरो
यही बेला धेर
सत्तामा भुल्ने
तिम्लाई छ पीर ?
 
धन र जन  लौ
बगेछ नि अपार
लोभी सत्ताको
तिम्लाई छ हतार !
 
रुँदि छिन् आमा
बगे नि लाला
उद्धार गर्ने
खै तिम्रो चाला ?
 
रुँदाछन् बाला
पुरिइन् नि आमा
तिमी छौ खालि
सत्ताकै भोक्‍मा।