सपनीमा

हिजो राति सपनीमा के देखेथेँ मैले
स्कुल जान लागेँ आमा बिदा माग्छु ऐले ।
 
झोलाभित्र खाजा के छ ? सबै खाने छु
गुरूमाले दिनुभको ज्ञान ल्याउने छु ।
 
आज आमा अफिस बिदा लिनुहोला है
स्कुलबाट म आउँदा घरमै हुनु है ।
 
स्कुलबाट आएपछि खाजा खाने छु
गृहकार्य सकाएर खेल्न जाने छु ।
 
खेल्ने कुरा सम्झिएर बिउँझिएछु म
रमाउँदै खेल्ने दिन कहिले आउला हँ !
 
यो सपना पूरा भए खुसी लाग्नेथ्यो
मेरा मनको भय पनि, सबै भाग्नेथ्यो ।