May 18, 2024, Saturday
२०८१ जेष्ठ ५, शनिबार

विद्यार्थी जीवन र अनुशासन

मेरिसा सुवेदी
कक्षा   :  ७
काव्य स्कुल

विद्यार्थी हुँ सोच्नुपर्छ मैले धेरै कुरा 
मेरा इच्छा अभिभावक गर्नुहुन्छ पूरा 
म को हुँ ? र, के हो मैले गर्नुपर्ने काम ? 
स्कुल र बा आमाको राख्नलाई नाम ।

अनुशासन, गुरुभक्ति मैले बुझ्नुपर्छ 
जननी र जन्मभूमि मैले चिन्नुपर्छ 
नेपाल र नेपालीको राख्नुपर्छ नाम 
मेरो देश बनाउन गर्नुपर्छ काम ।
 
अनुशासित भई मैले धेरै पढ्नुपर्छ 
मैले मेरो भविष्यलाई आजै सोच्‍नुपर्छ 
ठुलालाई मान गर्ने सानालाई माया 
विद्यार्थीको कर्तव्य हो खेल्नु समयमा ।
 
विद्यार्थी हौँ कलिला छौँ काँचो माटो अनि 
जे बनायो त्यही बन्छौं बाँस तामा पनि 
छोड्नुपर्छ, विद्यार्थीले नराम्रा ती बानी 
धेरै गर्नुभएको छ हामीलाई लगानी ।
 
विद्यार्थी यो जीवन फेरि फर्की आउने छैन 
ऐले दुःख गरी पढौं पछि गरौँ चैन 
ठुलालाई मान गरौं, माया सानालाई 
नबिर्सौँ है कैल्यै पनि परोपकारलाई ।