February 26, 2024, Monday
२०८० फाल्गुन १५, मंगलवार

जनताको आवाज


निशा रोका मगर
कक्षा ११
मनोहर मावि, काठमाडौ ।
 राजतन्त्र अन्त्य भए पनि हटेन अत्याचार
 दिनदिनै बढ्दै गयो हाम्रा देशमा भ्रष्टाचार
 एकअर्कालाई लडाउन नेताहरू निकाल्छन् जुक्ति
 अन्यायमा परेका जनताले कहिले पाउँछन् मुक्ति ?
  
 देश विकास गर्छौँ भन्दै माग्न आउँछन् भोट
 पैसाजति खाएर सरकारलाई लगाउँछन् खोट
 कुर्सी ताक्ने नेताहरू भुल्न थाले नेपाल देश
 सिक्न थाले विदेशीको इसारा, भाषा र भेष ।
  
 हाम्रा सबै अधिकार कागजमा सीमित भए
 शक्तिसाली देश बनाउँछौँ  भन्ने नेता कता गए
 दु:ख गर्ने गरिब जनता इनाम नेताले पाए
 पाएजति सबै एक्लाएक्लै खाए ।
  
 पढ्ने उमेरका बालकहरू गर्छन् कामधन्दाहरू
 देखिदैनन् कतै पनि कुर्सीका ती अन्धाहरू
 वृद्धहरू छन् आश्रमतिर युवाहरू विदेशतिर
 भन्दै छन्- नेताहरू हाम्रो छ उच्च शिर ।